આનંદ મહિન્દ્રાએ લખ્યું, ‘એક મિત્ર જેનો પરિવાર દાયકાઓથી વાહનોના વિતરણનું ધ્યાન રાખે છે. તેને આ જાહેરાત મળી. ક્યાં ગયા એ દિવસો? જ્યારે ભાવ યોગ્ય દિશામાં ગયા હતા.
મહિન્દ્રા એન્ડ મહિન્દ્રા ગ્રુપના ચેરમેન આનંદ મહિન્દ્રાએ પોતાના ઓફિશિયલ ટ્વિટર એકાઉન્ટ પર એક તસવીર શેર કરી છે. આ તસવીર જોઈને પહેલી નજરે એવું લાગે છે કે મહિન્દ્રા જીપ માત્ર 12,421 રૂપિયામાં મળી રહી છે. આ સાથે આનંદ મહિન્દ્રાની તસવીરમાં એવું પણ લખવામાં આવ્યું છે કે આ જીપ પર 200 રૂપિયાનું ડિસ્કાઉન્ટ મળી રહ્યું છે.
મહિન્દ્રા જીપ માત્ર રૂ. 12,421માં!
જો તમે વિચારી રહ્યા હોવ કે મહિન્દ્રા જીપ માત્ર 12,421 રૂપિયામાં મળી રહી છે, તો હવે આ તસવીરનું સત્ય પણ જાણી લો. વાસ્તવમાં આનંદ મહિન્દ્રાએ વર્ષો જૂની એક તસવીર શેર કરીને જૂના દિવસોને યાદ કર્યા છે. તેમણે આ એ જમાનાનો ઉલ્લેખ કર્યો છે જ્યારે મહિન્દ્રા કંપનીની જીપ ઘણી સસ્તી હતી.
આનંદ મહિન્દ્રાએ Willys CJ 3B જીપની જૂની પ્રિન્ટ એડ શેર કરી છે. તેમાં કહેવામાં આવ્યું છે કે આ જીપ પર 200 રૂપિયાનું ડિસ્કાઉન્ટ આપવામાં આવ્યું છે. જે બાદ તેની કિંમત 12,421 રૂપિયા થઈ ગઈ છે. પોતાના ટ્વીટમાં આનંદ મહિન્દ્રાએ લખ્યું, ‘એક મિત્ર જેનો પરિવાર દાયકાઓથી વાહનોના વિતરણને જોઈ રહ્યો છે. તેને આ જાહેરાત મળી. ક્યાં ગયા એ દિવસો? જ્યારે ભાવ યોગ્ય દિશામાં ગયા હતા. ટ્વીટ જુઓ-
A good friend, whose family has been distributing our vehicles for decades fished this out from their archives. Aaah the good old days…when prices headed in the right direction! pic.twitter.com/V69sMaM98X
— anand mahindra (@anandmahindra) March 6, 2022
યુઝર્સે ફની કોમેન્ટ કરી
આનંદ મહિન્દ્રાની આ ટ્વીટ સામે આવ્યા બાદ સોશિયલ મીડિયા યુઝર્સે ફની કમેન્ટ્સ કરી છે. એક યુઝરે આ ટ્વીટની કોમેન્ટમાં લખ્યું કે, ‘શું આજે પણ આ કિંમતમાં જીપ મળી શકે છે?’ જેના પર આનંદ મહિન્દ્રાએ કહ્યું, ‘તેઓ શોધી રહ્યા છે કે આ કિંમતે આજે શું મળી શકે છે’. આ સિવાય અન્ય યુઝરે મહિન્દ્રાના બે વાહનો 12,421 રૂપિયામાં બુક કરવાનું કહ્યું. જેના જવાબમાં આનંદ મહિન્દ્રાએ લખ્યું, ‘આમાં 10 વાહનો આવી શકે છે, પરંતુ બધા રમકડાં હશે.’