જો ભારત સરકાર ભારતમાં આવતા વર્ષે યોજાનાર ODI વર્લ્ડ કપ માટે ICCના બ્રોડકાસ્ટ ટેક્સ પર 21.84 ટકા સરચાર્જ વસૂલવાના તેના નિર્ણયને વળગી રહે છે, તો BCCIને લગભગ રૂ. 955 કરોડનું નુકસાન થઈ શકે છે.
જો ભારત સરકાર ભારતમાં આવતા વર્ષે યોજાનાર ODI વર્લ્ડ કપ માટે ICCના બ્રોડકાસ્ટ ટેક્સ પર 21.84 ટકા સરચાર્જ વસૂલવાના તેના નિર્ણયને વળગી રહે છે, તો BCCIને લગભગ રૂ. 955 કરોડનું નુકસાન થઈ શકે છે. ભારતમાં આવતા વર્ષે ઓક્ટોબર-નવેમ્બરમાં 50 ઓવરનો ક્રિકેટ વર્લ્ડ કપ યોજાવાનો છે. ટેક્સ સરચાર્જ એટલે પ્રારંભિક કિંમત સિવાયના કોઈપણ સામાન અથવા સેવાઓ પર વધારાની ફી અથવા ટેક્સની વસૂલાત. તે સામાન્ય રીતે વર્તમાન કરમાં ઉમેરવામાં આવે છે અને તે માલ અથવા સેવાની કિંમતમાં શામેલ નથી.
BCCIને થશે 955 કરોડનું નુકસાન!
ICC અનુસાર, યજમાન દેશે ICC ટૂર્નામેન્ટના આયોજન માટે સરકાર પાસેથી ટેક્સમાં છૂટ લેવી પડશે. ભારતના ટેક્સ નિયમોમાં આવી છૂટની કોઈ જોગવાઈ નથી. 2016માં ટી20 વર્લ્ડ કપની યજમાનીમાં પણ BCCIને આવી છૂટ મળી ન હતી અને તેને 193 કરોડ રૂપિયાનું નુકસાન થયું હતું. આ મામલો હાલમાં ICC ટ્રિબ્યુનલમાં પેન્ડિંગ છે.
18 ઓક્ટોબરે બીસીસીઆઈની એજીએમ પહેલા રાજ્ય એકમોને મોકલવામાં આવેલા રિપોર્ટમાં કહેવામાં આવ્યું હતું કે, ‘આઈસીસીની આગામી મોટી ટુર્નામેન્ટ ઓક્ટોબર-નવેમ્બરમાં ભારતમાં આઈસીસી વર્લ્ડ કપ 2023 છે. બીસીસીઆઈએ એપ્રિલ 2022 સુધીમાં આઈસીસીને ટેક્સ મુક્તિ વિશે જાણ કરવાની હતી.
આ સમાચારે 2023 વર્લ્ડ કપ પહેલા સનસનાટી મચાવી દીધી હતી
તેમાં કહેવામાં આવ્યું છે કે, ‘ICCએ સમયમર્યાદા વધારીને 31 મે કરી દીધી છે. બીસીસીઆઈએ આ નાણાકીય વર્ષની શરૂઆતમાં આઈસીસીને કહ્યું હતું કે 10 ટકા ટેક્સ (સરચાર્જ ઉપરાંત) ચૂકવવો પડશે.
બીસીસીઆઈ ટેક્સ સરચાર્જને વર્તમાન 21.84 ટકાથી ઘટાડીને 10.92 ટકા કરવા માટે વાતચીત કરી રહી હોવાનું માનવામાં આવે છે. જો આમ થશે તો તેને 430 કરોડ રૂપિયાની આવક ગુમાવવી પડશે. 2016 અને 2023 વચ્ચે ICCના રેવન્યુ પૂલમાં BCCIનો હિસ્સો 3336 કરોડ રૂપિયાની આસપાસ છે. 2023માં ભારતમાં યોજાનારી આ ટૂર્નામેન્ટના પ્રસારણથી ICCને 4400 કરોડ રૂપિયાની આવક મળવાની અપેક્ષા છે.
