IPLમાં આ વિદેશી કેપ્ટનએ મોટી સિદ્ધિ હાંસિલ કરી, મોટા અનુભવી ખેલાડીઓ સાથે તેનું નામ આવ્યું

IPL 2023: વિશ્વની સૌથી ધનિક ક્રિકેટ લીગ એટલે કે ઈન્ડિયન પ્રીમિયર લીગની 16મી સીઝન ચાલી રહી છે. IPLની દરેક સિઝનમાં ઘણા રેકોર્ડ તુટતા હોય છે અને ઘણા નવા પણ બને છે. IPLની વચ્ચે એક ખેલાડીએ એક મોટી ઉપલબ્ધિ પોતાના નામે કરી છે. આ ક્રિકેટર IPLના અનુભવી બેટ્સમેનોની યાદીમાં સામેલ થઈ ગયો છે. DC vs RR: IPL 2023ની 11મી મેચમાં એક અનુભવી ખેલાડીએ એક મોટી સિદ્ધિ પોતાના નામે કરી છે. દિલ્હી કેપિટલ્સ અને રાજસ્થાન રોયલ્સ વચ્ચેની આ મેચમાં રાજસ્થાને દિલ્હીને 57 રનથી હરાવ્યું હતું. દિલ્હીનો એક ડેશિંગ બેટ્સમેન IPLમાં અનુભવી બેટ્સમેનોની યાદીમાં સામેલ થઈ ગયો છે. આ મેચમાં દિલ્હી કેપિટલ્સે રાજસ્થાન રોયલ્સ ટીમને પ્રથમ બેટિંગ માટે આમંત્રણ આપ્યું હતું.

આ ખેલાડીની મોટી સિદ્ધિ
આઈપીએલમાં આ મેચ પહેલા બેટિંગ કરતા 6000 કે તેથી વધુ રન બનાવનારા એવા માત્ર બે જ ખેલાડી હતા, પરંતુ હવે આ લિસ્ટમાં વધુ એક બેટ્સમેન સામેલ થઈ ગયો છે. આ યાદીમાં દિલ્હી કેપિટલ્સનો કેપ્ટન ડેવિડ વોર્નર પણ સામેલ થયો છે. વોર્નરે બોલ્ટની આઠમી ઓવરના ત્રીજા બોલ પર ચોગ્ગો ફટકારીને આ સિદ્ધિ મેળવી હતી.

આ દિગ્ગજોની યાદીમાં જોડાયા
આઈપીએલમાં 6000 રન બનાવ્યા બાદ ડેવિડ વોર્નર અનુભવી ખેલાડીઓની યાદીમાં સામેલ થઈ ગયો છે. આ પહેલા માત્ર બે બેટ્સમેન આવું કરી શક્યા છે. બંને માત્ર ભારતીય છે. આ યાદીમાં RCBના વિરાટ કોહલી અને પંજાબ કિંગ્સના શિખર ધવનનો સમાવેશ થાય છે. વિરાટે IPLમાં સૌથી વધુ 6727 રન બનાવ્યા છે જ્યારે શિખર ધવને IPLમાં 6370 રન બનાવ્યા છે.

દિલ્હીની સતત ત્રીજી હાર
IPLની 11મી મેચમાં રાજસ્થાન રોયલ્સે દિલ્હી કેપિટલ્સને 57 રનથી હરાવ્યું હતું. આ ટૂર્નામેન્ટમાં દિલ્હીની આ સતત ત્રીજી હાર છે. બરસાપારા સ્ટેડિયમમાં રમાયેલી આ મેચમાં દિલ્હીના કેપ્ટને ટોસ જીતીને રાજસ્થાનને બેટિંગ માટે આમંત્રણ આપ્યું હતું. પ્રથમ બેટિંગ કરતા રાજસ્થાનની ટીમે યશસ્વી જયસ્વાલ (60) અને જોસ બટલરના (79)ની મદદથી 20 ઓવરમાં 4 વિકેટ ગુમાવીને 199 રન બનાવ્યા હતા. જવાબમાં દિલ્હીની ટીમ 9 વિકેટના નુકસાન પર માત્ર 142 રન જ બનાવી શકી હતી.