આ ખેલાડી ભારત અને ન્યુઝીલેન્ડ વચ્ચેની પ્રથમ વનડેમાં નહીં રમે, કરિયેર સારું થાય તે પેલા જ ખતમ, જાણો કોણ છે

ટીમ ઈન્ડિયા આજથી ન્યુઝીલેન્ડ સામે ત્રણ મેચની વનડે શ્રેણી રમશે. શ્રેણીની પ્રથમ મેચમાં ટીમ ઈન્ડિયાના એક ખેલાડીને તક મળવી મુશ્કેલ થઈ રહી છે.

ભારત અને ન્યુઝીલેન્ડ વચ્ચે 3 મેચની ODI શ્રેણીની પ્રથમ મેચ આજે (18 જાન્યુઆરી) હૈદરાબાદના રાજીવ ગાંધી ઇન્ટરનેશનલ સ્ટેડિયમમાં રમાશે. કેપ્ટન રોહિત શર્મા આ મેચ માટે પ્લેઈંગ 11ની પસંદગી કરવા માટે ઘણા મોટા નિર્ણય લઈ શકે છે, પરંતુ આ મેચમાં એક ખેલાડીને રમવું અશક્ય લાગી રહ્યું છે. કેપ્ટન રોહિતે આ સીરીઝની શરૂઆત પહેલા એક પ્રેસ કોન્ફરન્સ કરી હતી, જેમાં સ્પષ્ટ સંકેત છે કે આ ખેલાડીને પ્લેઈંગ 11માં સ્થાન મળવાનું નથી.

આ ખેલાડી પ્રથમ વનડેમાં નહીં રમે

કેએસ ભરત અને ઈશાન કિશનને ન્યૂઝીલેન્ડ સામેની વનડે શ્રેણી માટે વિકેટકીપર તરીકે ટીમ ઈન્ડિયામાં સામેલ કરવામાં આવ્યા છે. કેપ્ટન રોહિત શર્માએ પ્રેસ કોન્ફરન્સમાં સ્પષ્ટ કર્યું છે કે ઇશાન કિશન પ્લેઇંગ 11નો ભાગ હશે અને મિડલ ઓર્ડરમાં બેટિંગ કરશે. આવી સ્થિતિમાં કેએસ ભરતનું આ મેચમાં બેન્ચ પર બેસવું નક્કી છે.

પ્રથમ વખત ODI ટીમમાં તક મળી

આ પહેલા કેએસ ભરત માત્ર ટેસ્ટ ટીમમાં જ પોતાની જગ્યા બનાવી શક્યો હતો. આ પ્રથમ વખત છે જ્યારે તેને વનડે ટીમની ટીમમાં સ્થાન મળ્યું છે. જોકે, તે હજુ સુધી ટીમ ઈન્ડિયા માટે ડેબ્યૂ કરી શક્યો નથી. કેએસ ભરતને ટેસ્ટ ટીમમાં બેકઅપ વિકેટકીપર તરીકે ટીમમાં રાખવામાં આવ્યો છે અને આ સિરીઝમાં પણ કંઈક આવું જ જોવા મળે છે.

ડોમેસ્ટિક ક્રિકેટમાં મજબૂત પ્રદર્શન

29 વર્ષીય કેએસ ભરત ઘરેલુ ક્રિકેટમાં આંધ્રપ્રદેશની ટીમ તરફથી રમે છે. કેએસ ભરતે તેની ડેબ્યૂ મેચ વર્ષ 2013માં રમી હતી. તેણે 86 ફર્સ્ટ ક્લાસ મેચમાં 4707 રન બનાવ્યા હતા. આ દરમિયાન તેણે 9 સદી અને 27 અડધી સદી ફટકારી હતી. જ્યારે લિસ્ટ Aમાં 64 મેચમાં 1950 રન બનાવ્યા છે. તેણે આ ફોર્મેટમાં 5 સદી અને 5 અડધી સદી ફટકારી છે. કેએસ ભરતે ટીમ ઈન્ડિયા માટે એક મેચમાં વિકેટકીપિંગ પણ કર્યું છે. કે.એસ. ભરતે ટેસ્ટ મેચમાં ઈજાગ્રસ્ત રિદ્ધિમાન સાહાના સ્થાને વિકેટકીપિંગ સંભાળીને સૌનું ધ્યાન ખેંચ્યું હતું.

ન્યુઝીલેન્ડ સામેની વનડે શ્રેણી માટે ટીમ ઈન્ડિયા

રોહિત શર્મા (કેપ્ટન), શુભમન ગિલ, ઈશાન કિશન, વિરાટ કોહલી, રજત પાટીદાર, સૂર્યકુમાર યાદવ, કેએસ ભરત (વિકેટકીપર), હાર્દિક પંડ્યા (વાઈસ-કેપ્ટન), વોશિંગ્ટન સુંદર, શાહબાઝ અહેમદ, શાર્દુલ ઠાકુર, યુઝવેન્દ્ર ચહલ, કુલદીપ યાદવ. મોહમ્મદ સિરાજ, ઉમરાન મલિક.