Ind vs NZ: ટીમ ઈન્ડિયાના યુવા ઓપનર શુભમન ગિલે ન્યૂઝીલેન્ડ સામેની ODI શ્રેણીની પ્રથમ મેચમાં ઈતિહાસ રચ્યો હતો. હૈદરાબાદમાં રમાયેલી આ મેચમાં ગિલે કારકિર્દીની પ્રથમ બેવડી સદી ફટકારી હતી. શુભમન ગિલ ડબલ સેન્ચુરીઃ ન્યુઝીલેન્ડ સામેની વનડે સીરીઝની પ્રથમ મેચમાં યુવા ઓપનર શુભમન ગીલે ટીમ ઈન્ડિયા માટે ઈતિહાસ રચ્યો હતો. હૈદરાબાદમાં રમાયેલી આ મેચમાં ગિલે કારકિર્દીની પ્રથમ બેવડી સદી ફટકારી હતી. તેણે 145 બોલમાં બેવડી સદી પૂરી કરી હતી. તેની ODI કારકિર્દીની 19મી મેચમાં શુભમન ગિલે 149 બોલમાં 208 રનની ઇનિંગ રમી હતી. તેણે 9 છગ્ગા અને 19 ચોગ્ગા ફટકાર્યા હતા. 23 વર્ષીય શુભમન ગિલ બેવડી સદી ફટકારનાર સૌથી યુવા બેટ્સમેન બની ગયો છે. તેણે તેના સાથી ખેલાડી ઈશાન કિશનને પાછળ છોડી દીધો. ઈશાન કિશને 24 વર્ષમાં આ કારનામું કર્યું હતું. તેણે તાજેતરમાં બાંગ્લાદેશ સામે બેવડી સદી ફટકારી હતી.
ગિલે વધુ એક રેકોર્ડ બનાવ્યો
શુભમન ગિલ સૌથી ઝડપી 1000 ODI રન બનાવનાર ભારતીય પણ બની ગયો છે. ગિલે તેની 19મી વનડે ઇનિંગ્સમાં 106 રન બનાવીને 1000 રન પૂરા કર્યા. ત્રિરુવનંતપુરમના ગ્રીનફિલ્ડ ઈન્ટરનેશનલ સ્ટેડિયમમાં રમાયેલી ત્રીજી ODIમાં શ્રીલંકા સામે 97 બોલમાં 116 રન બનાવ્યા બાદ આજે તેની બીજી સદી ફટકારી હતી.
જુઓ વિડીયો :
A SIX to bring up his Double Hundred 🫡🫡
Watch that moment here, ICYMI 👇👇#INDvNZ #TeamIndia @ShubmanGill pic.twitter.com/8qCReIQ3lc
— BCCI (@BCCI) January 18, 2023
જમણા હાથના બેટ્સમેને વિરાટ કોહલી અને શિખર ધવનને પાછળ છોડી દીધા હતા, જેમણે સંયુક્ત રીતે 24 ઇનિંગ્સમાં સૌથી ઝડપી ભારતીય તરીકેનો અગાઉનો રેકોર્ડ અને ODIમાં સૌથી ઝડપી 1000 રનનો સંયુક્ત રીતે બીજા નંબરનો રેકોર્ડ બનાવ્યો હતો. તેણે 19 ઇનિંગ્સમાં 1000 રન પૂરા કરવામાં પાકિસ્તાનના ઓપનર ઇમાન-ઉલ-હકની બરોબરી કરી હતી, જ્યારે અન્ય પાકિસ્તાની ઓપનર ફખર ઝમાનના 18 ઇનિંગ્સમાં સૌથી ઝડપી 1000 રનના રેકોર્ડથી ચુકી ગયો હતો.
ગિલની ત્રીજી ODI સદી 19 ઇનિંગ્સમાં માત્ર 87 બોલમાં આવી હતી અને ભારતીય ક્રિકેટરોમાં માત્ર શિખર ધવન (17) 50 ઓવરની ક્રિકેટમાં તેની ત્રીજી સદી ઓછી ઇનિંગ્સમાં પૂરી કરી શક્યો હતો. 19મી ઓવરમાં 52 બોલમાં પોતાની અડધી સદી પૂરી કરતા પહેલા તે નસીબદાર હતો. ન્યૂઝીલેન્ડના સુકાની ટોમ લાથમ પણ માઈકલ બ્રેસવેલના બોલ પર સ્ટમ્પિંગની તક ચૂકી ગયો. ગિલે પોતાની સદીમાં 14 ચોગ્ગા અને બે છગ્ગા ફટકાર્યા હતા.
