દિલ્હીના આનંદ વિહાર મેટ્રો સ્ટેશન પર ગુરુવારે એક મહિલાને અચાનક પ્રસૂતિનો દુખાવો ઉપડ્યો, ત્યારબાદ CISF અને મહિલા મુસાફરોએ તેની મદદ કરી.
ગુરુવારે આનંદ વિહાર મેટ્રો સ્ટેશન પર 22 વર્ષની મહિલાએ મહિલા CISF જવાનો અને અન્ય મહિલા મુસાફરોની મદદથી બાળકને જન્મ આપ્યો હતો. આ ઘટના બપોરે લગભગ 3.25 વાગ્યે બની હતી જ્યારે પ્લેટફોર્મ નંબર ત્રણ પર મેટ્રોની રાહ જોઈ રહેલી મહિલાને પ્રસૂતિ થઈ હતી. શિફ્ટ ઈન્ચાર્જની સૂચના પર સીઆઈએસએફ કોન્સ્ટેબલ અનામિકા કુમારી તાત્કાલિક ઘટનાસ્થળે પહોંચી ગઈ હતી. અન્ય મહિલા મુસાફરોની મદદથી તેણે પ્રસૂતિગ્રસ્ત મહિલાને પ્લેટફોર્મ પર જ પ્રસૂતિ કરવામાં મદદ કરી.
મેટ્રો સ્ટેશન પર મહિલાની ઇમરજન્સી ડિલિવરી
એક ટ્વિટમાં CISFએ લખ્યું, ‘CISFના જવાનોના ત્વરિત પ્રતિસાદને કારણે આનંદ વિહાર ISBT મેટ્રો સ્ટેશન પર લેબર પેઈનથી પીડિત એક મહિલાને ઈમરજન્સી ડિલિવરીમાં મદદ કરવામાં આવી. નવજાત બાળકની સાથે માતાને હોસ્પિટલમાં ખસેડવામાં આવી હતી.
આ મામલે CISF ઓફિસરે આ વાત કહી
CISFના એક અધિકારીએ જણાવ્યું હતું કે, “બપોરે 3.25 વાગ્યે, આનંદ વિહાર મેટ્રો સ્ટેશનના પ્લેટફોર્મ નંબર 3 પર મેટ્રોની રાહ જોતી વખતે એક મહિલા પેસેન્જરને લેબર પેઇન થયો હતો. ત્યાં તૈનાત સીઆઈએસએફના જવાનોએ શિફ્ટ ઈન્ચાર્જને આ બાબતે જાણ કરી. મહિલાને બાળકને જન્મ આપવામાં મદદ કરવા ફોર્સની મહિલા કોન્સ્ટેબલ અનામિકા કુમારીને તાત્કાલિક સ્થળ પર મોકલવામાં આવી હતી.
Prompt response and needful assistance by #CISF personnel helped a lady with labour pain to undergo an emergency delivery @ Anand Vihar ISBT, Metro Station. The mother along with newborn baby shifted to Hospital.#PROTECTIONandSECURITY with #HUMANITY@HMOIndia @MinistryWCD pic.twitter.com/J3JfcJgS4O
— CISF (@CISFHQrs) April 7, 2022
ડિલિવરી બાદ માતા અને બાળકને હોસ્પિટલમાં મોકલવામાં આવ્યા હતા
થોડી જ વારમાં, માતા અને તેના નવજાતને એમ્બ્યુલન્સ દ્વારા નજીકની હોસ્પિટલમાં ખસેડવામાં આવ્યા હતા. નિવેદનમાં જણાવાયું છે કે મહિલા અને તેના પતિએ સીઆઈએસએફના જવાનોને તેમના ત્વરિત પ્રતિભાવ અને નિર્ણાયક સમયે જરૂરી સહાય માટે આભાર માન્યો હતો.
CISF ને રાષ્ટ્રીય રાજધાની ક્ષેત્રમાં દિલ્હી મેટ્રો નેટવર્કમાં આતંકવાદ વિરોધી કવર આપવા માટે તૈનાત કરવામાં આવી છે. સીઆઈએસએફને દેશભરના એરપોર્ટ અને રેલ્વે સ્ટેશનની સુરક્ષા પણ સોંપવામાં આવી છે.
